Կատարեցի որոշակի ուսումնասիրություններ և պարզվեց, որ բջջային հեռախոսներում հնարավոր է հայերեն գրել և կարդալ: Բնականաբար խոսքը սմարթֆոնների մասին է, իսկ մնացած հեռախոսների պարագայում այլ խնդիր է: Ես փորձարկել եմ Nokia 5800 սմարթֆոնի վրա, որի ՕՀ-ն Symbian 9.4 է: Նախքան թեմային անցնելը ուզում եմ շնորհակալություն հայտնել հետևյալ մարդկանց՝ forum.bit.am-ի անձնակազմին՝ հայերեն տառերը բջջայինում ցուցադրելու մեթոդում ինձ օգնելու համար:
Հայկ Դինգչյանին՝ հայերեն ֆոնտերը ինձ տրամադրելու համար:
Եվ վերջապես Բեն Քարամյանին, ով իր կամքով և նախաձեռնությամբ ինձ տեղեկացրեց բջջայինում հայերեն գրելու մեթոդի մասին:
Հայերեն կարդալու համար՝ 1. Ներբեռնում եք Opera Mobile 10 ծրագիրը2. Տեղադրում եք բջջային հեռախոսի մեջ:3. Ներբեռնում եք հետևյալ ֆոնտերը:4. Տեղադրում եք ֆոնտերը E:\System\Apps\OperaMobile\fonts2դիրեկտորիայում5. Անջատում և միացնում եք հեռախոսը:6. Զարմանում :)
Հայերեն գրելու համար՝1. Ներբեռնում եք հետևյալ ծրագիրը:2. Տեղադրում եք բջջայինի մեջ (ծրագիրը կամ պետք է տեղադրել ֆայլային համակարգը կոտրած հեռախոսների վրա, կամ ստորագրել սերտիֆիկատով):3. Ներբեռնում եք հետևյալ ֆայլը, որը իրենից ներկայացնում է նախորդ ծրագրի skin հայերեն տառերով:4. Տեղադրում եք այդ ֆայլը E:\Data\Baidu\input\touchskin և E:\Data\Baidu\input\touchskinW դիրեկտորիաներում:5. Մտնում եք 2-րդ կետում ներբեռնած Baidu ծրագրի կարգավորումների մեջ և skin-ների բաժնում ընտրում հայերենը:
Միայն տեղեկացնեմ, որ skin-ների բաժնում հեռախոսի ուղղահայաց դիրքը կարող եք ընտրել հայատառ ստեղնաշար, իսկ հորիզոնական դիրքում ռուսերեն կամ անգլերեն:
| 
