Google Chrome դիտարկիչը 2008 թվականից սկսած շարունակում է գրավել նոր բարձունքներ: 2 տարվա մեջ կատարվել է ահագին աշխատանք և այսօր այդ դիտարկիչը կարող է մրցակցել Opera, FireFox և Internet Explorer դիտարկիչների հետ: Այս Browser-ի հիմնական առավելությունը դրա արագագործության և թեթև ինտերֆեյսի մեջ է: Այսօր կխոսենք Chrome-ի մի քանի ֆունկցիաների մասին:
1. Հաշվիչ հասցեների դաշտում Google Chrome-ի հասցեների դաշտում կարող եք կատարել ցանկացած տիպի մաթեմատիկական հաշվարկներ:
2. Որոնում հասցեների դաշտի միջոցով Լռելյայն (default) որոնումը կատարվում է Google որոնողական համակարգի միջոցով: Բայց մենք կարող ենք փոխել այն այլ որոնողական համակարգով: Օրինակում տեսնենք, թե ինչպես կարող ենք այն փոխել այնպես, որ որոնումը կատարվի ֆեյսբուքում: Դրա համար մտնում ենք Facebook և կատարում որևէ որոնում (օրինակ google բառը): Այնուհետև մտնում ենք Tools-Options
Սեղմում ենք Manage Search Engines
Բացված էջում գտնում ենք ֆեյսբուքը և սեղմում Make default
Այսպիսով որոնողական համակարգը փոխեցինք: Որոնումներ կատարելով հասցեների դաշտում Google Chrome ծրագիրը ավտոմատ այն կկատարի Facebook-ում:
3. Երբ ինչ-որ բան ներբեռնում եք ինտերնետից, ապա ներբեռնված ֆայլերը տեղադրվում են Chrome-ի ներքևի հատվածում: Դուք կարող եք այդ ֆայլերը տեղադրել էկրանի վրա: Դրա համար անհրաժեշտ է մկնիկի օգնությամբ բռնել դրանք և քաշել էկրանի վրա:
| 
